Parte hartzeko horma-irudia osatuko dute Lamuza ikastetxean

Erabiltzailearen aurpegia Lucia Menoyo 2015eko urriaren 14a

Lamuza Ikastetxeko guraso elkarteak ikastetxearen kanpoaldean horma-irudia osatzea erabaki du. Ekimenaren helburua, tokia edertzeaz gain, Laudioko kultur aniztasuna ere islatzea izango da.

Lamuza Ikastetxeko guraso elkarteak ikastetxearen kanpoaldean horma-irudia osatzea erabaki du. Ekimenaren helburua, tokia edertzeaz gain, Laudioko kultur aniztasuna ere islatzea izango da.

Ideiak emateko deialdia zabalik

Horma-irudia edonork parte hartzeko moduan egin nahi dute. Horregatik, eskolako kideei bakarrik ez, herritar guztiei ere deialdia zabaldu diete irudiak izan behar dituen mezu eta elementuen inguruan ideiak eman ditzaten, iradokizunak info@muralismopublico.com helbidera bidali behar dira.

Azaroan, bidalitako ideia guztiak jaso eta bilera egingo dute horma-irudiaren diseinua erabakitzeko. Urtarrilean aurkeztuko da azken diseinua eta horma-irudia egiteari ekingo diote ostean.

Irudia ez da horman bertan margotuko, hormatik 10 zentimetrotara kokatuko diren ohial batzuetan baizik.

Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide