Udaleko Berdintasun arloak emakumeenganako indarkeria desagertzeko Nazioarteko Eguna dela eta osatutako egitarauaren baitan jarduera ugari antolatu du.
Ekintzen artean 12 eta 16 urte bitarteko gazteei zuzendutako mugikorrekin egindako laburmetraiak sortzeko doako tailerra dago. Ikastaroa urriaren 17an, 24an eta 31an egingo da, 10:00etatik 13:00etara Kultur Etxean. Gainera, sorkuntza horiekin Aiaraldea “Beldur Barik Jarrera 2015” lehiaketan parte hartzeko aukera egongo da.
Urriaren 15ean eta 22an, aldiz, emakumeentzako “desprintzesatze” tailerra eskainiko da Kultur etxean. Horrez gain, emakumeentzako “coaching” ikastaro bat ere egingo dute. Bestalde, azaroaren 25eko egitaraua elkarteen eta udalaren artean osatzeko bilera urriaren 5ean egingo da 18:00etan Kultur etxean.
Lantegietan parte hartu nahi dutenek berdintasuna@laudio.eus helbidera idatzi edo 944 034 850 telefonora dei liteke.
Etxekoandre-Etxekogizonaren Eguna
Etxekoandre-Etxekogizonaren Eguna aprobetxatuz Solastiarrek kafe-antzerkia antolatu du Kultur etxeko butaken aretoan urriaren 7an. Oihalak Zabaltzen “Las 50 sombras de Paco” lana antzeztuko du bi emanaldietan: lehenengoa 18:30ean, eta bigarrena 19:30ean. Sarrera doakoa izango da.