Gaur abiatu dute Kantabriako Entzutegian Mario Iglesiasen aurkako epaiketa. Akusatuari leporatzen diote bi laudioar hiltzea: Gabino Garcia eta bere alaba Mercedes Garcia. Gertakaria 2014ko abuztuaren 17an jazo zen.
Fiskaliak 20 urteko kartzela zigorra eskatuko du ustezko hiltzailearentzat Mercedes Garciaren erailketa dela medio eta beste 15 urte gehiago Gabino Garciaren gizahilketagatik. Gainera, 300.000 euroko kalte-ordainketa exijituko dio hildakoen familiarentzat eta 5.426 euro Kantabriako osasun zerbitzuarentzat.
Akusazio partikularrak aldiz 40 urteko kartzela zigorreko eskaera egingo du eta 500.000 euroko kalte-ordainketa biktimen senideentzat.
Ostegunean bukatuko dute epaiketa eta epaimahai herritar batek hartuko du epaiaren inguruko erabakia.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
