Oxigenoa Euskarari gazteak, 12-16 urte gutxi gora-behera bitartekoak, mendi zaletasuna eta, bereziki, euskararen erabilera uztartzeko programa berezi bat da. Mendi-txangoez gain, formazio osagarria hartuko dute: astronomia, lehen sorospenak, elikadura, sukaldaritza, orientazioa… Laudio Udaleko Euskara Arloak antolatutako egitasmoa da eta aurtengoa 6. edizioa izango da.
Aurreko asteetan, egitasmoa zuzentzen duen Julen Reketa mendi gidaria, udalerriko DBHko ikastetxeetatik (Laudio Ikastola, Laudio Institutua eta La Milagrosa) pasatu da aurkezpena egiteko. Horrez gain, pasa den irailaren 23an, asteazkena, aurkezpen irekia egin zuten, gurasoentzat eta abarrentzat, irudi, bideo eta abarrez lagunduta.
Eta egitasmoari hasiera emateko, lehenengo irteera igande honetan izango da, irailaren 27an, Pagoeta mendira, Aia aldean. Bertan, mendiaz gain, Agorregiko burdinola, errotak eta abar bisitatuko dituzte.
Gazteek zer nolako abenturak biziko dituzten ikusteko, egitaraua eskuragarri.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
