Udalak duela hilabete batzuk egin zuen lan poltsa horiek osatzeko deia. Urrian prozesua amaitu eta lan poltsen behin betiko osaketa zein den jakinaraziko du. Jende ugarik eman du izena eta beraz ordezkapenak egiteko talde zabalak eratu dira.
Udal gobernutik adierazi dutenez, Obra eta Zerbitzuak eta Hirigintza arloetan dagoen lan taldea adinez nahiko nagusia denez, etorkizunerako prest egon nahi dute jubilazioak betetzeko orduan eta baita egunerokoan bajak eta ordezkapenak egiteko orduan ere.
Helburua udalaren eginbeharretan inolako etenaldirik ez izatea da. Beste hainbat posturako ere lan poltsak osatu dira azken aldian: operarioak, atezainak, sorosleak... Adierazi dutenez, gaur egun legeak enplegu eskaintza publikoa asko mugatzen duenez, lan poltsak dira udalak duen tresna eman behar dituen zerbitzu guztiak bermatzeko.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
