Tokiko Garapen Agentziak hainbat ikastaro antolatu ditu irailetik azaro bitartean. Kurtsoak enpresa txikiei, ertainei, ekintzaileei, autonomoei eta oro har, interesa duten pertsonei zuzendu dituzte. Haien artean bankuarekin nola negoziatu, komunikazio tresnak erabili edota betebehar legalei buruz daude, besteak beste.
Irailaren 24an bankuarekin negoziatzerako orduan kontuan hartu behar diren alderdiak aztertuko dituzte. Hurrengoa urriaren 8an egingo da eta berankortasuna kontrolatzeko eta aurreikusteko gakoak erakutsiko dituzte.15ean komunikatzeko eta saltzeko tresnak azalduko dituzte.
Azaroan bi ikastaro egingo dituzte. Bata 5an emango da eta stocka nola gestionatu eta hornitzaileekin nola negoziatu irakatsiko dute; eta bestea, aldiz, 19an enpresa txikiek dituzten betebehar legalak azalduko dituzte.
Ikastaro guztiak 9:00etatik 12:30era arte emango dira Garapen Agentzian bertan. Informazio gehiago lortu nahi duenak Agentziara bertaratu, 94 403 49 80 telefonora deitu edota garapenagentzia@laudiokoudala.net helbidera idatzi dezake.