Udalak 5 pertsona kontratatuko ditu enplegu plan berri baterako

Erredakzioa 2015eko abuztuaren 3a
Deskargatu Info Ahotsak :

Laudioko Udalak Enplegu Plan berria jarriko du martxan eta 5 pertsona kontratatuko ditu. San Juan, Santa Ana eta Arraño inguruak berritzeko Enplegu Plana izango da.

Laudioko Udalak Enplegu Plan berria jarriko du martxan eta 5 pertsona kontratatuko ditu. San Juan, Santa Ana eta Arraño inguruak berritzeko Enplegu Plana izango da.

 Lorezaintzako langileburu bat eta 4 laguntzaile kontratatuko dituzte. 6 hilabetetako kontratua egingo zaie eta haien lana San Juan, Santa Ana eta Arrañoko inguruak berritzea izango da. Irailean egingo dituzte kontratazioak. Lanen artean hauek burutu beharko dituzte: altzariak aldatzea edo berriztatzea eta konpontzea, zuhaitzen mantentzea, parrilen berritzean, sastraken garbiketa, landareak inaustea, espezie inbaditzaileen garbitzea...

Eusko Jaurlaritzak emandako laguntza bati esker egin du Udalak Enplegu Plan berria hori.

Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide