Laudion bizi den Sergio Escribano Ruiz arkeologo eta EHUko irakaslea Kanadan dabil egunotan indusketetan, EHU/UNESCO Kultur Paisaiak eta Ondare katedraren baitako proiektu batean buru belarri.
Euskaldunak eta inuitak
Indusketak Red Bay izeneko esparruan gauzatzen ari dira, Labrador inguruan, Kanadako kostalde atlantikoan hain zuzen ere. Red Bayk, izatez, euskal bale arrantzaleen estazio bat izan zen XVI eta XVII. mendeen arteko zubian eta espedizioak berau industea du helburu, euskaldunen eta bertoko inuiten arteko harremanak nolakoak izan ziren ezagutzeko.
Besteak beste, indusketaren bilaketa-helburu garrantzitsuenetariko bat euskaldunek bertara eramandako zeramika ikertzea izango da. Izan ere, antzina bertara zihoazen marinelek teila asko eramaten zituzten ontzietako sotoetan, ontzien oreka mantentzeko zein bertokoekin trukatzeko.
Escribanoren taldea hainbat kanadar ikertzailerekin batera arituko da elkarlanean: Cindy Gibbons, Parks Canadaren zuzendaria; eta Ternua eta Labradorreko lurraldeetako arkeologia saileko arduradun diren Lisa Rankin eta Amanda Croptonekin, besteak beste. Espedizioak Kanadako Gobernuaren eta Red Bay herriko udalaren laguntza ere jasotzen du.