Autonomoak, ekintzaileak, enpresa txiki eta ertainak eta merkataritza babesteko diru-laguntzak ematea onartu zuen ostiralean Laudioko udalak.
15.000 euro bideratu ditu erakundeak horretarako; 7.000 euro ekintzaile eta autonomoentzat eta 8.000 merkataritzarentzat.
Ekimenaren helburua da sektore horietako proiektuak laguntzea bere lehenengo urteetan. Berez, 2013ko urtarrilatik 2014ko abuztura arte sortutako enpresak babestuko dituzte.
1.000 euro gehienez jasoko dituzte merkatariak eta 2.000 enpresa ertainek, txikiek, autonomoek eta ekintzaileek. Guztira gastatutako %40 gehienez.
14 ekintzailek jasoko dute diru-laguntza eta 800 euro batezbesteko, alegia.
11 merkatarik ere eskuratuko dute diru-laguntza eta 1.000 euro izango dituzte batezbesteko.
Babes finantzarioa
Iñigo Martinez zinegotziak azaldu du diru-laguntzarekin saiatzen ari direla merkatari eta ekintzaileei beharrezkoa duten babes finantzarioa ematen, proiektu askok berehala ixten baitute hori gabe.
Errepikatzeko asmoa
EH Bilduk aldarrikatu du diru-laguntza hori berak proposatu zuela aurrekontuetan eta aurten ere txertatzea nahiko lukete. Baina 2014ko bukaeran eta 2015ean garatu diren proiektuak laguntzeko.