Eusko Jaurlaritzarekin elkarlanean Garapen Agentzien Euskal Elkarteak eta Donostiako Sustapenak “60 Global Training” beka programa aurkeztu dute. Ekimenaren helburua 30 urtez beherako unibertsitate edo lanbide heziketako tituludunak diren gazteei atzerriko enpresetan praktikak eskaintzea da.
Bekak gazte bakoitzaren perfil akademiko eta profesionalari lotutako ekintza eta proiektuetan lan egiteko aukera ematen du eta iraupena gutxienez 8 hilabetekoa izango da. Bekadunek 1.124,77 euro kobratuko dute gordinik. Praktikak irailetik aurrera izango dira, baina, edonola ere, 2015eko urtea amaitu aurretik joan beharko da.
Baldintzak
Aipatutako baldintzez gain ezinbestekoa da gutxienez urte bat erroldatua egotea Euskal Herrian eta atzerrian 6 hilabete baino gehiagoko praktikaldirik egina ez izatea. Kasu guztietan derrigorrezkoa da ingelesa maila altua izatea, baita bestelako hizkuntzaren bat eskatzen den kasuetan horien ezagutza ere. Hala, Lizentziatuei C1 maila eskatuko diete, eta Lanbide Heziketako Goi Mailako gradua dutenei B2. Titulu horien antzinakotasuna gutxienez 4 urtekoa izan beharko da, eta akreditaziorik ez duten pertsonen hizkuntza gaitasuna bermatzeko idatzizko eta ahozko proba bat egingo dute.
Izena emateko epea uztailaren 27an bukatuko da eta www.becasglobaltraining.eus webgunean egin behar dira.. Informazio gehiagorako Laudioko Garapen Agentziara jo daiteke 94 403 49 80 telefonora deituz edo garapenagentzia@laudiokoudala.net helbidera idatziz.