Arabako Sartuk alde batetik, eta Tokiko Garapen Agentziak bestetik, ikastaro bi antolatu dituzte langabetuentzat eta ekintzaileentzat hurrenez hurren. Lehenengoa uztailaren 22an izango da eta hiru orduz finantzaketa plan bat egiteko pausuak erakutsiko dituzte. Bestea uztailaren 24an hasi eta azaroan bukatuko da eta etxeko iturgintza, klimatizazio eta berogailu sistemari buruzko izango da.
Arabako Sartuk langabetuentzako doako ikastaroa abiaraziko du uztailaren 24tik aurrera. Etxeko iturgintza, klimatizaio eta berogailu sistemari buruzko ikastaroak azaroaren 11an bukatuko da eta gainditzen duenak lehen mailako ziurtagiria eskuratuko du. Ikastaroa Laudion bertan emango da astelehenetik ostiralera 9:00etatik 14:30era. Guztira 320 ordu izango dira. 15 pertsonek soilik parte ahal izango dute eta izen-emateak www.lanbide.net webgunean, 94 672 77 73 telefonoan edota Sartuko Egoitzan egin daitezke.
Finantzaketa plan bat egiteko gakoak
Edozein negozio hazteko plangintza egin eta finantzaketa plana egiteko gai izateko helburuarekin, Tokiko Garapen Agentziak doako ikastaroa antolatu du. Ikastaroa uztailaren 22an izango da eta hiru orduko iraupena izango du, 9:15etik 12:15era. Ekintzaile zein enpresa txikiko kideei zuzendua dago. Informazio gehiago jasotzeko edo izena-emateko Laudioko Garapen Agentziarekin jarri behar da harremanetan 94 403 49 80 telefonoan edo garapenagentzia@laudiokoudala.net helbidean.