Pasa den astean hasitako indusketek emaitza positiboak eman dituzte berehala. Sergio Escribano EHUko arkeologoak gaur emandako prentsaurrekoan azaldu du nekropolis bat topatu dutela baselizaren azpian.
Momentuz bi hilobi aurkitu dituzte eta bihar bat induskatuko dute. 3 txanpon ere agertu dira, bat hilobi baten gainean.
Orain, arkeologoek ikertuko dute noizkoak diren aurkikuntza horiek. Ermu Andra Mariko baseliza XV. mendekoa da eta topatutako elementuak aurrekoak dira.
Horretaz gain baseliza baino zaharragoa den lurzorua topatu dute azpian, buztinez egindakoa.
Bisitak
Sergio Escribanok iragarri du bihartik aurrera bisitak gauzatuko dituztela nahi duenak ikus dezan zer aurkitu duten Ermu Andra Marin. Berez hilobi bat induskatuko dute bihar eta bisitariei erakustea da haien asmoa.
Berez, bisita bakoitza ezberdina izatea nahi dute. Hurrengoak izango dira datak:
- Uztailak 2 (bihar):
15:00etan euskaraz
16:00etan gazteleraz
- Uztailak 7 asteartea:
11:00etan euskaraz
12:00etan gaztekeraz
- Uztailak 10 ostirala:
11:00etan euskaraz
12:00etan gaztekeraz
- Uztailak 14 asteartea:
15:00etan euskaraz
16:00etan gazteleraz
Bisita gehiago
Arkeologo taldeak aurreratu du irailean bisita gehiago eta osatuagoak egingo dituztela, Ermu Andra Mariko historia azalduz.
Oraindik proiektuaren nondik norakoak zehaztu behar badituzte ere, Sergio Escribanok adierazi du bere ustez ideia polita izango litzatekeela aurkitutako elementuak beiraz estaltzea jendeak ikusteko aukera izan dezan. Baina hori guztia parrokoarekin adostu behar dute.
Galdera ugari erantzuteke
Sergio Escribanoren aburuz abiatutako ikerketei esker -historikoa, arkeologikoa, artistikoa eta topografikoa- Ermu Andra Mariko historiari buruzko hainbat galdera argitzeko egongo da: zergatik eraiki zuten, zeintzuk ziren bertako ohiturak, XV. Mendekoa izanik zergatik aipatzen den dokumentutan XI. Mendeko elementu erromanikoak aipatzen diren...
Bi indusketa
Momentuz baselizako indusketa abiatu dute bakarrik. 20 eta 60 zentimetroko bitarteko sakonera dauka eta 12 eta 20 metroko zabalera.
Elizako kanpoko eremuan ere indusketa egingo dute baina oraingoz landareak besterik ez dituzte kendu induskatuko duten tokian.