Prozedura ireki bidez Etxebarri Baserriaren birgaitzeaz arduratuko den arkitektoa hautatu du Laudioko Udalak Tokiko Gobernu Batzordean. Proiektua berreskurapenari erantzuteko lehenengo tresna izango dela adierazi du Laudioko hirigintza zinegotzi den Jon Ander Altubek.
Gainera, prozesua motel badoa ere –haiek nahiko luketena baino motelago-, proiektu hori gabe aurrera egin ezin dela azpimarratu nahi izan dute. Izan ere, proiektua oinarri hartuta, beste instituzioen laguntza eskatu edota ekarpenak jasotzea aurreikusten du udalak.
Prozedura ireki bidez Etxebarri Baserriaren birgaitzeaz arduratuko den arkitektoa hautatu du Laudioko Udalak. Proiektua berreskurapenari erantzuteko lehenengo tresna izango dela adierazi du Laudioko hirigintza zinegotzi den Jon Ander Altubek. Gainera, prozesua motel badoa ere –haiek nahiko luketena baino motelago-, proiektu hori gabe aurrera egin ezin dela azpimarratu nahi izan dute. Izan ere, proiektua oinarri hartuta, beste instituzioen laguntza eskatu edota ekarpenak jasotzea aurreikusten da Udaletik.
Guztira 13 proposamen egin dira. Kontratazio prozesu osoaren ondoren proiektua Angel Garcia Armentia arkitektoari esleitu diote, 49.740 euroko aurrekontuarekin. Lehenengo urrats hori, proiektuaren erredakzioa, sei hilabetetan bukatuta egon behar da.
Udaletik esandakoaren arabera, baserria egoera txarrean aurkitzen da, bereziki orain urte gutxi gertatutako sutearen ondorioz.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide