Udalak jakinarazi duenez, Bitorika harrobian ez dago jada lur-jausi arriskurik eta horregatik bertako aparkalekua irekita dago uztailaren 10etik.
Otsailean izan ziren euriteek lur-jausiak eragin zituzten Areta auzoan kokatutako aparkaleku honetan. Gunea garbitu, segurtasun neurriak hartu eta babes elementuak jarri dira eta ez dago beraz arriskurik orain.
Udalak gunea garbitzeaz eta behin behineko harresi bat eraikitzeaz arduratu zen eta jarraian Arabako Foru Aldundiak segurtasun pantaila elastoplastiko bat eraiki zuen. Pantaila hau lur-jausien kontrako segurtasun elementua da, dinamikoa da eta lur-mugimenduen energia xurgatzeko gai.
Arriskua ezabatu da horrela baina ezponda behin betiko egonkortzea falta da oraindik. Foru Aldundiak horretarako proiektu bat osatzeaz arduratuko da.
Guardian enpresak utzitako behin behineko aparkalekua itxita dago, Bitorikakoa ordezkatzea baitzen bere helburua.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
