Galiziako aberri eguna ospatuko dute datorren Uztailaren 25ean. Hori dela eta hainbat ekitaldi prestatu du Laudioko Galiziar Elkarteak.
Deialdi gehienak uztailaren 25ean izango dira, baina aurretik ere izango da zer egin eta zer ikusi. Uztailaren 17an, ostirala, emakumezkoentzako chave txapelketa egongo da eta 18an, gizonen txanda helduko da. Galiziako herri kirola da chave-a. Diska borobil batzuekin metalezko pieza bat jotzean datza.
Espalladoiro talde laudioarraren kalejira eta kontzertua
25ean, Santiago apostoluaren egunean hain zuzen ere, 11:30ean hasiko da egitaraua, Espalladoiro talde laudioarraren kalejirarekin. Galiziako musika tradizionala egiten duen taldea da Espalladoiro. Meza ere izango da Santiago Apostolua eta Galiziar Elkarteak galdu dituen kideen omenez eta jarraian Espalladoiro taldearen emanaldia egongo da Herriko Plazan.
Granja plazan jarraituko du jaiak, Amigos del Swing taldearen musikarekin, ondoren sari banaketa eta queimada dastaketa izango dira. Arratsaldean Amigos del Swing taldea itzuliko da, 17:00etatik aurrera giroa alaituz.
Uztailaren 26an amaiatuko da egitaraua, Elkartearen egoitzan ospatuko den herri bazkariarekin.