Drumgorri aretoak hainbat jarduera antolatu ditu ekainean zehar. The Bilbobillies eta The movement taldeetako kontzertuarekin hasi, eta barbakoa batekin bukatuko du hilabetea. Gainera, Lyrikan style & dj Funi Laudioko musikariak ere kontzertua eskainiko dute.
Ekainaren 5ean, ostirala, 21:00etan The Bilbobillies talde bilbotarrak blues, swing, gospel, country eta 50. Hamarkadako rockabilly musika eskainiko du. Sarrera doakoa izango da. Hurrengo ostegunean, ekainaren 11n, The Movement talde daniarraren txanda izango da 21:00etatik aurrera. Hirukote honek mod-rock egiten du eta bere soinuan The Jam, The Who eta The Clash taldeek eragin handia izan dute. Sarrerak 10 euro balioko ditu.
Ekainaren 13an, larunbata Lyrikan style & Dj Funi arituko dira doan 21:00etatik aurrera. Laudioko taldeak reggae ragga, dancehall eta hip-hop ragga lantzen ditu. Hurrengo ostiralean, ekainaren 19an, 17:30etan Drumgorri Musika Eskolako jaia hasiko da haurrek emango duten kontzertu batekin. 20:30ean barbakoa prestatuko dute eta 21:30etik aurrera entzunaldi bat emango dute.