SOS Laudioko Lamuza Parkea plataformak adierazi du etsituta dagoela Javier de Andres ahaldungaiak ez duelako gauzatu 2 milioi euroko inbertsioa aurten parkea berreskuratzeko.
Oharrean plataformak adierazi du: “Pena ematen digu esandako hitzak, adierazpenak eta aurtengo proiektuak ezer ezean geratzea, Javier De Andresek nahiago izan baitu konpromiso zehatzik ez hartzea.
Uste dugu plataformaren borondate onarekin jokatzen saiatu dela denbora irabazteko eta gure desadostasuna azaldu nahi dugu jokaera horrekin.”
Itxaropena oraindik
Nahiz eta Biltzar Nagusietan adostutako diru kopurua ez den inbertituko aurten, behintzat Arabako Foru Aldundiko ahaldungaia aldatu arte, SOS Laudioko Lamuza Parkea plataformak modu positiboan baloratu du egindako lana.
Laudioko herritarrek ez ezik, udal talde guztiek ere babestu dute plataformaren proiektua eta Biltzar Nagusietako oposizioak gauza bera egin du.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
