Santa Luziako jaiak maiatzaren 23tik 25era egingo dira. Bertan, erromeria eta haurrentzako jolasak ez ezik, mendi martxa eta Burdin Hesiraino igoera egongo dira. Gainera, azalpenak emango dituzte ibilbidean euskaraz zein gaztelaniaz.
Lehenengo eguna, maiatzak 23, 9:00etan Lamuza plazatik irtengo den mendiko bizikleta martxarekin hasiko da. 10:00etan Lusurbeilandatik Santa Luziara iritsi eta ondoren Burdin Hesiraino igoko da. Azalpenak euskaraz zein gazteleraz emango dira eta doakoa da. 20:00etan, berriz, Nafarroa Kantu Taldeak Herriko plazan abestuko du.
Maiatzaren 24an, igandean, Goikoganek igoera gidatua eta musikatua egingo du Lamuza plazatik 9:00etan abiatuta. 12:00etan Herri Kirolen erakustaldia izango da eta egun osoan erromeria egongo da. Gainera, urtero bezala Euskal Herria Kirola elkarteak “Burdin Hesia Mendi Lasterketa” antolatu du eta aurten lehen aldiz “Burdin Hesia Mendi Martxa”.
Maiatzaren 25ean, astelehenean, Santa Luziara igotzeko martxa 10:00etan aterako da, musikaz lagundurik. 10:00etatik aurrera haurrentzako jokoak egongo dira eta 16:00etan ikuskizuna. Goizez eta arratsaldez erromeria egongo da. Eguna bukatzeko txokolatada egingo dute Aldai Plazan 19:00etan.