Maiatzaren 24an, igandea, Bidezko Merkataritzaren Eguna ospatzen da eta aurten janzten dugun arropa gehienaren atzean dagoena salatu nahi dute. Hala, 11:00etatik aurrera informazio gune bat jarriko da Herriko plazan. Gainera, III. Postre Lehiaketa egingo dute.
Ipar- Hego taldeak bidezko merkataritzako gozogintza lehiaketa antolatu du. 12:30etik 13:30era lehiaketan parte hartu nahi dutenek bere postreak eraman beharko dituzte. Bakoitzak bidezko merkataritzako produktu batekin eginda egon beharko da eta tokiko eta gertuko produktuen erabilera baloratuko da.
Ehungintzako lan-baldintzak
Ekimen honekin elkarteak janzten dugun arropa gehienaren atzean dagoena azalarazi nahi du. Ehungintzak Europan 34.000 milioi euro mugitzen ditu egunero, langileen eskubideak gutxi batzuen etekin ekonomikoen mende egonik. Industria honetako langile gehienak emakumeak dira %80 hain zuzen ere eta gizonek %20-%50 baino gutxiago kobratzen dute. Gainera, eta soldata murritzak direla eta, emakume hauek esplotazioa eta pobrezia jasaten dute, hutsaren hurrengo lan-baldintzak edukiz.