PPk ekitaldia eskaini du Laudion gaur arratsaldean. Herriko hautagaiak babesteko -Iñigo pedruzo eta Zuriñe Castañiza- alderdiko ordezkari garrantzitsuak aritu dira: Javier Maroto Gasteizko alkatea, Javier de Andrés Ahaldun Nagusia, Arantza Quiroga Euskadiko PPko Lehendakaria eta Laura Garrido legebiltzarkidea.
Iñigo Pedruzo Laudioko zerrenda buruak kudeaketa aldaketa beharrezkoa dela aipatu du eta aurkeztutako ideien artean nabarmendu du jubilatuentzako etxea eraiki daitekeela udaletxe alboan dagoen orubean.
Joseba Elejalde, Javier Maroto eta Javier de Andres popularrek bereziki azpimarratu dute gizarte diru-laguntzen iruzurraren aurkako borroka. Modu ezberdinetan hirurek tematu dira horretan.
Javier Marotok azaldu du PP izan dela bakarra eztabaida hori plazaratzeko gai eta kalean entzundakoa bakarrik jaso dutela.
Javier de Andresek EAJk eta PSE-EEk egindako kudeaketa txarrari leporatu dio iruzurra.
Abertzaleen kudeaketa txarra
Ildo horretatik PPk adierazi du Laudion kudeaketa negargarria egin dutela abertzaleek -HB, EAJ, zein Bildu- eta horren adibide gisa nabarmendu du 1,5 milioi euro bakarrik inbertituko direla 2015ean.
Aldi berean, Lamuza Parkearen egoera udalari leporatu dio Javier de Andrések.
Zentzu horretan PP kudeatzaile zorrotza dela errepikatu dute.