Garapen Agentziak ekintzaile eta enpresarientzako bi ikastaro antolatu ditu. Lehenengoa gaur egingo da eta komunikazioan, salmentetan eta negoziazioan arrakasta izateko balioko du. Bigarrena, neuromarketingaren inguruan jardungo da eta maiatzaren 19an emango da.
Maiatzaren 11n, gaur, 09:30etik 14:00etara eta 15:30etik 18:00etara komunikazioan, salmentetan eta negoziazioan arrakasta izateko ikastaroa egongo da Garapen Agentziako lokaletan. “Tell & Cell (Decir y vender), Comunicación eficaz” ikastaroak negozioetan hitz egiteko gaitasuna hobetu nahi duten pertsonei zuzendua dago. Tailerrak 80 euro balio dituen arren, Agentziak ekintzaileentzako 10 plaza erreserbatu ditu aurrez izena-ematen badute.
Bestalde, Neuromarketingaren inguruko tailerra doakoa izango da eta maiatzaren 19ean, asteartean 9:00etatik 15:00etara izango da. Bezeroek inkontzienteki dituzten joerak aztertuko dituzte. Jardunaldiaren bidez, erosketa bat egiteko hautaketa prozesuak ulertzen laguntzeko gakoak landuko dira; erosleak esateko gai ez diren gauzak eta inkontzienteak bakarrik dakizkienak.
Izena emateko edo informazio gehiago lortzeko 94 403 49 80 telefonora dei daiteke, garapenagentzia@laudio.eus helbideetara idatzi eta Agentziara bertaratu.