Laudioko Galiziar Etxeak, Laudioko Udalaren eta Galiziako Xuntako emigraziorako idazkaritzaren parte-hartzearekin, hainbat ekintza antolatu ditu maiatzaren 16 eta 17an, Galiziar Letren eguna dela eta. Ekintza guztiak La Granja enparantzan izango dira, Galiziar Etxearen atzealdean hain zuzen ere.
Bi egun horietan zehar animazioa, lehiaketak, musika... denetariko ekintzak izango dira. Igandean ere, Galiziar Etxean egiten den kontsumitze bakoitzeko muskuilu platera jaso ahal izango da debalde.
Maiatzak 16
Maiatzaren 16an, larunbata, esate baterako, Baisala dantza elkarteak hamaika ekintza antolatu ditu 19:00etatik aurrera: muñeira ikastaroa, dantzaldia gero eta, gaueko hamarretatik aurrera, DJ bat ere izango da.
Horretaz gain, larunbatean bertan, eta Baisalak antolaturiko ekintzak jaso aurretik, Magic karten txapelketa bat izango da, 17:30ak aldera.
Ordubete lehenago izena emateko aukera izango da. Baina ez da hori izango larunbatean izango den norgehiagoka bakarra, izan ere, goiz partean, 10:30etatik aurrera, umeentzako marrazki lehiaketa izango da ere. Larunbat eguerdian ere, 13:00etan, gaitapoteoa izango da Espalladoiro eta Arde'llo Eixo taldeekin.
Maiatzak 17
Igandean, berriz, musika eta dantza tradizionalen, folklorearen, eguna izango dugu: 12:00etan Itxarkundia laudioar dantza taldearen eta 12:30etan Arde'llo Eixo galiziar folklore taldearen emanaldiak izango dira hurrenez hurren.