Gardea auzoak Santa Kurutzeko jaiak ospatuko ditu maiatzaren 2an, larunbata, eta 3an, igandea. Bi egunez, musika, bolo jaurtiketa, haurrentzako jolas parkea edota magia ikuskizuna egongo dira, besteak beste.
Maiatzak 2
Festak 10:30ean hasiko dira Santa Kurutze Bolatokiko Sari Nagusiarekin. Lehenak haurrak izango dira eta ondoren emakumeak eta seniorrak. 11:00etan haurrentzako jolas parketa irekiko da eta 14:00ak arte iraungo du Juan XXIII eskola zaharraren atzealdeko patioan.
Arratsaldean, berriz, 16:30ean Galtzagorri Kultur Taldeak buruhandien kalejira egingo du eta ondoren, 17:30ean, magia ikuskizuna izango da. Ordu berean, haurrek boloetan jolasteko aukera izango dute Bolatokiko Sari Nagusian eta 18:45ean txokolatea dastatu ahalko da. Eguna bukatzeko, DJ Xaiborrek emanaldia emango du 19:15etik aurrera.
Maiatzak 3
Hurrengo egunean, maiatzaren 3an, Kalejira egingo dute Lankaietako lagunek 09:30etan eta 12:00etan dantzak egongo dira. 13:00etan Andere Abesbatzak lagundurik, meza eta kontzertua izango da. Jaiak bukatzeko 14:00etan lutx batez gozatzeko aukera egongo da Gizarte etxean.