COCEMFEk (Ezintasun Fisiko eta Organikoa duten Pertsonen Espainiako Konfederazioak) turismoa eta termak ardatz dituen bi programa antolatu ditu udarako. Egitasmoa %33 baino gehiagoko ahalmen urritasuna duten herritarrei zuzendua dago, baina %50etik gora dutenek lehentasuna izango dute. Nabarmendu dutenez, eskaera egiteko epea irteera eguna baino bi hilabete lehenago itxiko da.
Oporraldi hauek aisialdiaz gozatu ahal izatea eta bainuetxeek eskaintzen dituzten terapiekin pertsonen gaitzak hobetzea dute helburu. Guztira 34 txanda izango dira: 25 hondartzetara, barne-herrietara eta naturara izango dira; hiru bainuetxetara eta sei irletara. Opor-leku guztietan pertsona bakoitzaren egoerara moldatutako programazioa dago eta laguntzaileak daude.
Interesa duten pertsonek Laudioko Herritarren Harrera Zerbitzuan eta COCEMFEko web gunean izango dute informazio gehiago.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
