Kultura, Kirola eta Jaiak Arloak 2015 urteko San Roke jaiak iragartzeko XXXVI. Kartel Lehiaketako oinarriak argitaratu ditu dagoeneko. Helduen eta umeen mailak egongo dira: lehenengoan irabazleak 1.200 euro irabaziko ditu eta bestean, haurren kategorian, 250 euroan baloratutako material didaktikoa. Lanak entregatzeko epea maiatzaren 4an bukatuko da.
Helduen zein haurren kategorian epaimahai teknikoak aurkeztutako lanen artean aukeraketa bat egingo du eta ondoren, Kultur etxean jarriko dira ikusgai jendeak bozkatu ahal izateko. Kartelak maiatzaren 16tik 24ra ikusi ahal izango dira fisikoki Kultur etxean. Gainera, herrian erroldatutakoek posta elektronikoaren bidez. ere kartel hoberena aukeratu ahal izango dute. Lanak Laudioko udaleko web gunean jarriko dira ikusgai maiatzaren 14tik 26ra bitartean.
Haurren kategorian 6 eta 12 urte bitartekoek parte hartu ahalko dute eta Laudioko eskoletan matrikulatuta egon beharko dira. Oinarriak kontsultatzeko edo informazio gehiago eskuratzeko www.laudio.eus webgunea bisita liteke.