Laudioko EAJk maiatzeko udal-hauteskundeetan Juanma Ibarretxe alkategaia lagunduko duten hautagaiak izendatu ditu. Talde jeltzaleak prentsa oharrean adierazi duenez "alderdiko afiliatuek zerrenda indartsu baten alde egin dute, Laudioko gizartearen aniztasuna islatzen duen ezaugarri eta balio askotarikoak konbinatuta; gaztetasuna, gure herriarekiko konpromisoa eta kudeaketarako esperientzia".
Jeltzaleek aldarrikatu dute udal-korporazioak ongi jokatzen dakiten pertsonak behar dituela, "baliabide publikoak era arduratsu batean, modu eredugarri eta gardenean kudeatzen dakitenak. Era berean adierazi dute "Laudio dagoen geldialditik ateratzeko eguneroko lanean konprometituak egongo diren pertsonak behar dituela, Laudio hazi arazteko; konpromisoa, ardura eta Laudio hobeago baten aldeko lana hain zuzen ere".
Laudioko EAJko zerrendakideak
Laudioko EAJk bere hautagaien profila ere zehaztu du oharrean:
1- Juanma Ibarretxe Revuelta, 56 urte. Goi mailako batxilergoa. JEZeko langilea da, enpresa komiteko presidente ohia. Ongizate, kirol eta euskara arloko zinegotzia.
2- Maider Basterra Ibarretxe, 40 urte. Zuzenbidean lizentziatua. Praktika Juridikoan diplomatua. Euskalduna. Laudio Udaleko zinegotzia egun:
3- Ander Añibarro Maestre, 25 urte. Erizaintzan diplomatua. Euskalduna.
4- Eva Marquinez Blanco, 47 urte. Zientzia Ekonomikoetan lizentziatua EHUn. Zerga eta kontu aholkularia.
5- Izaskun Miñano Larrea, 39 urte. Biologia lizentziatua eta doktoratua, euskalduna. Euskara eta Ongizate arloko zinegotzia izandakoa.
6- Aitor Laburu Marcen, 34 urte. Zientzia politikoetan eta Administraritzan lizentziatua. Euskalduna.
7- Toño Aiz Salazar, 55 urte. Lan-zientzietan lizentziatua. Administrazio publikoko masterra. Laudioko alkate-ohia.
8- Zuriñe González Ercilla, 39 urte. Administrari espezialista teknikaria eta musika irakasle ikasketetan diplomatua.
9- Ana Belén Diez Revilla, 42 urte.Administrazioko zientzia politikoetan lizentziatua. Euskalduna.
10- Andoni Aldekoa de la Torre, 45 urte. Kazetaria.
11- Maite Valle Echevarría, 65 urte. Erretiratua.
12- Hernando Lacalle Edeso, 39 urte. Ekonomilaria. Zinegotzi-ohia Laudioko Udalean.
13- Joseba Ortega Omar, 44 urte. Autonomoa, merkataritza delegatua.
14- Ziortza Sierra Ajuria, 33 urte. Ekonomian lizentziatua. Finantza analista bezala lan egiten du.
15- Joseba Amondo Eskuza, 48 urte. Industria-maisua.
16- Cristina Laguna Sainz, 29 urte. Topografian Ingeniari teknikoa eta edifikazio proiektuetan goi-mailako teknikaria.
17- Jon Karla Menoyo Llano, 47 urte. Zuzenbidean lizentziatua. Laudioko alkate-ohia.
18- Norberto Aldaiturriaga Zorrozua, 59 urte. Zuzenbidean lizentziatua, Arabako Foru Aldundiko funtzionarioa, parlamentaria egun.
19- Pablo Garayo Urcelay, 71 urte. Erretiratua.
20- Covadonga Solaguren Santamaria, 49 urte. Zuzenbidean lizentziatua, Bizkaiko Foru Aldundiko goi mailako teknikaria.