aiaraldea.eus

"Zein da euskara edo beste hizkuntza bat ikasteko gakoa? Maitasuna"

Erabiltzailearen aurpegia Erredakzioa   Euskara  Laudio

JUAN JOSE IBARRETXE (Laudio):

Euskararekiko nire esperientzia, mundiala!

 

JUAN JOSE IBARRETXE (Laudio):

Euskararekiko nire esperientzia, mundiala!

 

Aitortu behar dizuet, ez nuen uste posiblea zenik berrogei eta piku urteekin euskara  ikastea eta are gutxiago euskaraz bizitzea; baina honetan ere ustea ustel, ez da horrela. Ez da egia, beraz, gaztelaniaz esaten den esaera hori: loro viejo no aprende a hablar. Zein ote da, orduan, gakoa euskara edo beste hizkuntza bat ikasteko? Erantzuna, nire ustez, argi eta garbi dago: maitasuna.

Maitasuna da klabea ia gauza guztiak lortzeko bizitza honetan eta nik euskara maite dut.

Niretzat euskarena “bizitza proiektua” izan da, nire bizitzako proiekturik garrantzitsuenetariko bat. Alabekin hainbeste urte gazteleraz mintzatu ondoren orain euskara dugu gure famili hizkuntza. Eta, jakina, gauza bat da edozein elkarrizketa arrunt euskaraz egitea eta beste gauza bat barruko sentimenduak adieraztea. Horrek aldaketa kulturala dakar zure baitan, zure bizitzan, esperientzia hori bizi izan ez duen euskaldun batentzat, pertsona batentzat, ulertzea zaila da. Horregatik ere euskararekiko nire esperientzia zoragarria da, mundiala da.

“Bidaia” benetan polita da euskaraz bizitzea, lan egitea, kirola egitea, atseden hartzea. “Bidaia” polita euskara kaleratzea eta nazioartera zabaltzea, munduko plazan jartzea. Hogei eta hamar urte exekutiboa izan ondoren -arlo pribatuan, nahiz publikoan-, orain Unibertsitatean nago, ezagutza eta jakintzaren arloan, baina nire lanak eta ahaleginak berdina izaten jarraitzen du: geure herria -Euskadi edo Euskal Herria-, geure kultura eta geure hizkuntza, munduko plazan kokatzea. Eta “etxean” -Euskal Herrian-, zein Españan, Europan edo Ameriketan, euskara erabiltzen dut konferentziak emateko, nire lanak aurkezteko. Eta horrekin batera adierazten diot jendeari, guk, euskaldunok geure hizkuntza -munduko hizkuntzarik zaharrenetariko bat- hitz egingo ez bagenu inork ez lukeela egingo eta orduan guztion kultura unibertsala ez litzatekeela aberatsagoa izango, baizik eta pobreagoa.

Euskara da geure hizkuntza eta horrela izango da betiko. Ez da geure hizkuntza bakarra -gaztelera eta frantsesa ere euskaldunon hizkuntzak direlako-, baina geurea da, euskaldun guzti-guztion hizkuntza… denon ondarea eta denon beharra duena. Elkarrekin bizitzeko hizkuntza, elkarri hitz egiteko, elkar ulertzeko hizkuntza. Aurtengo Korrikaren leloak dion moduan: eman euskara elkarri.

Erantzunak

Erabiltzailearen aurpegia Udane Erantzuna | #1

Erabiltzailearen aurpegia Bidekurtze Erantzuna | #2

Udane andereño:
demagogia merkerik ez, mesedez. Arnaldok esan dizuen moduan: konsigna gutxiago eta arrazoi gehiago behar dugu aurrerantzean (ez orain arte bezala, edo orain artez bestela)

Erabiltzailearen aurpegia Udane Erantzuna | #3

Euskaldunon Egunkaria itxi eta hurrengo egunean herria Donostin zen,Ibarretxe berriz Don Juancarlos Borboikoaren ondoan barku bati bedeinkapena ematen txnpai botilaz, eta irribarrerik ez zan falta aurpegian. Bitartean Martxelo, Torrealdai... Madrilgo txakurtegian. Hori demagogia bada...

Erabiltzailearen aurpegia Udane Erantzuna | #4

Erabiltzailearen aurpegia Bidekurtze Erantzuna | #5

Ekintzengatik ezagutu... horixe: Ibarretxe lehendakariak inoiz Euskal Herrian mahai gainean ipini den proiektu politikorik sakonena ipini zuen...eta Espainia osoa durdukatu zuen... nahiz eta bere alderdiko batzuek ez lagundu, eta HERRIAK berak ere merezi zuen “laguntza olatua” ez eman.
Eta Ibarretxe lehendakaria akusatuen jarlekuan esertzera behartu zuten, Arnaldorekin hitz egiteagatik, bakearen bila! Nahiz eta gero Batasunako Landa jaun eatarrak “Ibarretxeren aldeko manifestaziora EZ JOATEKO” deia egite aldera prentsaurreko bat eman.
Argazkia bai polita Pernando gurea Iruñeko Batasunaren egoitza itxi zutenean Guardia Zibileko buruzagi batekin hizketa patxadatsuan!
Ekintzengatik ezagutu? Bai, euskarazko telebista nazional bakarrari bonba ipintea; kartetan adiskideekin zegoen azpeitiarra hiltzea....eta orain Espainiako trapua ipinteko?

Erabiltzailearen aurpegia Ibarretxe zalea Erantzuna | #6

Erabiltzailearen aurpegia baba txarra Erantzuna | #7

Ez dakit ezker abertzalearen kontrako hainbeste baba txarra. Euskaldunon egunkariaren alde egin ez izana ia batzuen kontra egin behar? Besteak eraso zuek defendatzeko. Ea zonaldeko Eaj euskararekin gehiago predikatzen duen...

Erabiltzailearen aurpegia Anonimo Erantzuna | #8

Erabiltzailearen aurpegia Iñaki Ibarluzea Erantzuna | #9

Ni ez naiz inor beste inori zeren inguruan aritu behar duen esateko baina euskararekin izandako harremana eta bizipenak kontatzen ditu eta horretaz hitz egin eta hitz egitea nahi nuke. Eta nire uste apalean, oso polita da kontatzen duen esperientzia hori. Gutako askok egin dugun bidaia berberaz jarduten du eta esandako gehienekin bat nator.

Erabiltzailearen aurpegia Anonimo Erantzuna | #10

EAJko ideiekin bat ez natorren arren, euskaltzaletasunetik ikusita Ibarretxe jaunak kontatzen dituen bizipenak izugarri onak iruditu zaizkit; oso baikorrak.
Azken zatira heldu naizen arte...
Nola esan dezake euskara ez dela geure hizkuntza bakarra??? Gaztelera eta frantsesa ere euskaldunon hizkuntzak direla??? Bai zera!!!!
Gauza bat da, euskaraz gain beste hizkuntza batzuk jakiteak aberastu egiten gaituela; zenbat eta hizkuntza gehiago jakin hobe.
Eta beste gauza bat menperatzaileen hizkuntzak geureak direla esatea!!! Geure egitea!!!! Hori bai ezetz!!!
Azken garaietan elebitasunaren inguruan ideiak nahasten ari direla iruditzen zait. Askotan entzun dut elebidunak garela eta bi hizkuntzak (bai euskara eta baita gaztelera edo frantsesa ere) geure hizkuntza direla.
Eta hirugarren edo laugarren hizkuntza bat jakingo bagenu (ingelesa, alemana...) geureak ere izango lirateke gaztelera geure egin dugun bezalaxe????
Neuk gauza bat argi daukat: Gaztelarrek eta frantsesek Nafar lurraldeak konkistatu zituzten eta euskaldunak menperatuak izan ginelako hitz egiten dugu geuk españolez eta frantsesez; beste gauza askorekin batera hizkuntzak ere inposatu egin zitzaizkigun.
Ibarretxek dioen bezala izango balitz eta gaztelera ere gurea izango balitz, hemen ez litzateke erdaldun elebakarrik izango eta gazteleraz soilik berba egiten dutenek euskara ere berba egingo lukete!!!! Are gehiago, euskara eta gaztelera (española) hizkuntzen arteko elkarbizitza naturala existituko balitz, euskaldunok gazteleraz dakigun bezalaxe, gaztelarrek euskaraz jakingo lukete!

Erabiltzailearen aurpegia jose Erantzuna | #11

Euskal literatura beraz zer da, euskaraz baino egiten ez dena? Gaztelania eta frantsesa ere euskal hizkuntzak dira (halaxe zioen Joseba Sarrionandiak ere Hitzen Ondoezan), "euskal" zeri esaten diogun da gakoa...
Juan Jose Ibarretxeren jardun politikoarekin ez dut bat egiten, baina plaza honetara ekarri dituen hitzak (eta Iñaki Ibarluzeak dioen bezala, euskararekiko bere harremanaz esaten dituenak) zinez zintzoak eta ederrak iruditu zaizkit...

Harri gutxiago harresietarako, eta gehiago euskararen normalizazioan elkarrekin egin behar dugun bidean...

Erabiltzailearen aurpegia Anonimo Erantzuna | #12

"Euskal" euskaraz egiten den edozerri jarri ahal zaio...
Nire ustez "españolez" edo beste hizkuntza batean idazten den "euskal literaturarik" ez da existitzen, batzuek horrela ikusi nahi baldin badute ere...
Neuk behinik behin gaztelera eta ingelesa jakin arren, ez ditut neure hizkuntzatzat hartzen. Jakiteak ez du neure direnik esan nahi.
Bakoitzak jakingo du zer eta nongo sentitzen den...

Erabiltzailearen aurpegia =du Erantzuna | #13

..eta hegoameriketatik etorritako bati, euskara ikasitakoa, esango al diozu zuk gaztelania ez dela bere hizkuntza?ez gaitezen ahaztu euskaldun ez dala bakarrik hemen jaiotakoa.... euskaldun ere egin zaitezkeela, eta motxilan geureak diren beste kultura eta hizkuntza egon daitezkeela.. Iñakiren guztiz ados!

Erabiltzailearen aurpegia Anonimo Erantzuna | #14

Erabiltzailearen aurpegia ufada Erantzuna | #15

esperientzia personala erabat errespegarria eta agian, laudagarria ere. Baina Ibarretxe Jauna politika egiten aritu da, goi mailan, eta hor ere erakutsi daiteke maitasuna hizkuntzarekiko politiketan dudik gabe. Eta zalantzik ez dut Donostiko manifako argazkiaren ondoan Erregearekin erretratazea aukeratu izana erabaki politikoa izan zela. Eta hortan bat nator herritar askok egin zuten galderarekin, zergatik??non gertu zen orduan hizkuntzarekiko maitasun hori?

Erabiltzailearen aurpegia Anonimo Erantzuna | #16

Euskararen Legea onartu zenean, a la baja adostu behar izan zen PSE etab.ekin, orduko Herri Batasunak erabaki zuelako horretan ere (nahiz eta dei berezia egin zitzaion) ez zuela instituzinoetan parte hartu nahi, zer kalte ekarriko zuen jakinda ere. Jatorrizko proposamen sendotik azken eskailera-mailaraino bajatu behar izan zen lege hura...
Horrek kalte askoz handiagoa egin dio euskararen garapenari Ibarretxeren argazkiak baino. Eta euskarari bizi-espazioa emateko mugak oraindik ari gara pairatzen. Ez dudarik izan. Ez dut ez bata ez bestea defendatzen baina demagogia merkea (HB=denaondo + PNV=denatxarto) egitea errazegia da egia izateko.
Bestetik, gaztelera ez dugu gure artean (Euskadiko hizkuntza delako) "konkistatu gintuztelako", hainbat arrazoi bitarte (historikoak, politikoak, sozialak...) euskaldun ziren haietako batzuk erabaki zutelako gaztelania egokiagoa zela haientzat. Beren hizkuntza bihurtu zuten eta semealabei propiotzat eman. Oraingo euskaldun abertzaleen artean ere, zergatik ez da euskara gehien erabiltzen den hizkuntza (hala izatea aukeratzen delako)? Borbon erregea eta lendakariaren erruz?

Erabiltzailearen aurpegia Anonimo Erantzuna | #17

txipiroiaren teknika, eta galderari aurre egin gabe. Norbere erantzunkizunari aurre egiteko norbait eraso behar. Norbait kritikatzeagatik beste norbait goraipatzen ari al gara?

Erabiltzailearen aurpegia iker caballero bermejo Erantzuna | #18

Erabiltzailearen aurpegia Anonimo Erantzuna | #19

=du-ri: hegoamerikan gaztelania zelan hedatu zen gogoraziko dizu, agian, hegoamerikatik etorritako euskalduna. Zelan odolez zabaldu zen kristauen hizkuntza eta nola bertako kultura ezabatu zuten. Nortzuk eta español jatorrek koroaren izenean. Hots Borboitarren koroa zeramaten horiek, to eta ño demagogia merke merkea

Erabiltzailearen aurpegia jose Erantzuna | #20

HITZAK: “Labur” hitza laburra da, baina “luze” hitza ez da luzeagoa. “Preso” hitza askatasunez ibil daiteke lengoiaren esparruan, “tirano” hitzak ez du botere ikaragarririk. Baina “maitasun” hitzak batzutan, ustekabean, maitasuna adierazten du...

ALDERDIAK: Hau alderdien sasoia da, saldoka antolatu eta arazoak, saldo bakoitzak bere partetik eta erdizka ikusten duen jendearen sasoia.
Alderdi ona bakoitzarena.

ARERIOA: Erru guziak arerioari egozten dizkiogunean, arerio hori gaindiezina egiten dugu.

BATZUTAN: Gauza batzu batzutan baino ez dira egia.

Hitzen Ondoeza, Joseba Sarrionandia (Txalaparta, 1997).

Erabiltzailearen aurpegia Bidekurtze Erantzuna | #21

Ibarretxeren hitzOK oso egokiak eta zuzenak dira, Korrikaren aldekoak gainera hain zuzen. Hitzak eta ekintzak zuzenak. Okerrak oso okerrak, ordea, Nafarroa Oinezera joan eta autobus-bidaldi osoan gaztelania hutsean diharduten gaxtexkila horiena. Ikastolakoak, arraioa! “Laudion euskaraz” pankarta ipinten ari ziren bitartean gaztelaniaz egiten ari zirenena ez ote okerra eta hipokrita? Txosna-gunean gaztelania hutsa baino ez egitea xuxena ote?
Gaztelania, frantsesa...eta gaskoia ere (Bastidan, Biarritzen, Beraskoitzen...) gureak direla ez du esan nahi euskal hizkuntzak direna (euskara: euskaldun) baina bai “euskotar” askorenak, eta abertzaleok ez dugu gure Euskal Herri askatuan inor baztertuko bere hizkuntzagatik, honetan ez gara ez espainiar ez frantximenten antzekoak izanen.
Baba txarra behar da gero! insinuatzeko Ibarretxe eta bere jaurlaritzak Egunkariaren alde egon ez zirenik eta egin ez zutenik. “Egunkaria aurrera” pegatina oraindik ere nire txirrinduan daroat. “EITB aurrera” ipini ote zuten horren egoitza bonbakatu zutenean? Ezker abertzaleri erasoka ari gatzaizkiola? To, no, zozoak beleari ipurbeltz edo zartaginak lapikoari ken hadi hortik ipurzikin?

Erabiltzailearen aurpegia Asier Amondo Erantzuna | #22

Ibarretxe Lehendakariak, maitasunean jartzen du euskara ikasteko gakoa, eta horretan bat nator bera dioenarekin, maitasun hori anitza izan daiteke herriarekiko, hizkuntzarekiko, geure semealabekiko. Gutako bakoitzak euskara elkarri emateko arrazoi anitzak izan ditzake, baina, elkarri emate horretatik etorriko da gure hizkuntzaren biziraupena. Euskara gure hizkuntza elkarbizitzarako gakoetako bat da eta elkarbizitzan eragin gura badugu euskara erdigunera ekarri behar dugu, euskararen arloan ere denok eman behar diogu elkarri elkarrengandik jasotzeko.

Erabiltzailearen aurpegia Anonimo Erantzuna | #23

Erabiltzailearen aurpegia Anonimo Erantzuna | #24

Ezin hobeto adierazi dozu, Bidekurtze. Erabat ados zugaz. Bete betean asmatu dozu. Ageri-agerian itzi dozuz Udane eta bere pelajekoak... Urrunetik igarten jakie EAJren kontra darien gorrotoa. Zer gure dozu esatea... nazka-nazka eginda gagozala jada holango jarrerakaz. Nahikoa da!

Erabiltzailearen aurpegia Bidekurtze Erantzuna | #25

Ez, nik ez dut ondo adiarazi, nik erantzun, ihardetsi, iharduki, oldartu eta eraso egin diet, eta hau ez da bide zuzena, ez egokia, ez euskaldunen artean inoiz ere erabili behar duguna. Gure arteko eta betiko hizka-mizka, ika-mika, ni-nagusi-edo-bestela-hezurrak hautsi, tirriak, aiherrak eta grina gaiztoak behin eta betiko alde bat utzi behar ditugu. Gure ahoetatik ez lerde txarrik ez gorrotorik ez irainik jarion, EUSKARA darigula mintzatu behar dugu. Bide zuzena Ibarretxek erakutsi diguna, Arnaldok erakutsi diguna, Garaikoetxeak erakutsi ziguna. Bide egokia KORRIKAren bidea, baina egun oroz, ororekin eta orotan.
Asier Amondok ezin hobeto adiarazi du; eta Sabinok esan zuena “ez du axola nork esan duen; egia du eta garraizkion”

Erabiltzailearen aurpegia Anonimo Erantzuna | #26

Ibarretxek ez zuen asetu Herri honen gose eta egarria. Urkuluk ere ez du asetuko. Sabino Arana bizirik balego
infartoz hilko zan , hau ikustean.....

Erabiltzailearen aurpegia euskaldun bat Erantzuna | #27

Juanjo: Txapela kentzeko modukoa egin duzu euskara ikastean, positibotasunez erakustean eta, ahal den guzti-guztietan, zelan edo halan, gehiago edo gutxiago, baita erabiltzean ere. Animo eta... aurrera, euskaldunon balio partekatuen langintzan !

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa