Omnia talde independenteak bere web-ataria baliatuz prozesu parte-hartzailea martxan jarri du bere hauteskunde programa zehazteko.
Ekimenean ekarpena egiteko bere web-atarian erregistratu behar da erabiltzaile gisa.
Iniziatiba horren bitartez maila ezberdinak landuko ditu Omniak. Alde batetik hainbat gai zehatz programan jasotzeko eta bestetik parte hartzeko eredu bera.
Horretaz gain, Omniaren ADNa osatu nahi dute. Hau da, iritzi batzuk zehaztu nahi dituzte gero prozesu parte-hartzaileetan gaia ez errepikatzeko (energia nuklearraren edo fracking-aren inguruko jarrera, adibidez).
Partaidetza birtuala ez ezik hileko batzarrak ere mantenduko ditu Omniak. Bestalde, kalera ateratzeko asmoa daukate.
Zerrendaren aurkezpenaren
Martxoaren 14an Omniaren hautagaiak aurkeztu dituzte eta apirilaren 18an programa bukatutzat emango dute.
Orain ala inoiz ez
Alvaro Barrios Omniaren zerrenda buruak oso garrantzitsutzat jo ditu 2015eko hauteskundeak eta alkatetza da bere helburua.
Hautagaiaren ustez apustu pertsonal handia izan da eta taldeko kideen lana hurrengo hauteskundetan gauzatu beharko litzateke. Barriosek azaldu du aldaketa nabarmenak lortu ezean politika uzteko aukera egongo liratekeela.