Hedabideek zabaldu dute San Roke Musika Elkarteak bilera egin duela Arabako Foru Aldundiarekin. Horri esker akordioa lortu du Laudioko Musika Bandak 5000 euro jasotzeko erakunde foralaren aldetik.
Diru kopuru hori musika eskolako zenbait tresna konpontzeko erabiliko dutela iragarri du elkarteak.
Mozioa 5000 euro gehiago jasotzeko
Ez da hori izan Musika Bandak abiatu duen ekimen bakarra bitarteko ekonomiko gehiago eskuratzeko.
Laudioko martxoko udalbatzan mozioa onartu dute hitzarmena aldatzeko eta 5000 euro gehiago jaso dezan San Roke Musika Elkarteak. Kepa Adrian musika bandaren zuzendariaren aburuz ezinbestekoa da igoera hori proiektuak jarraitu dezan.
Neurria talde politiko guztiek -Omnia, PP, PSE-EE eta EAJ- babestu dute Bildu ezik. Udal Gobernu Taldeak adierazi zuen hauteskundeei lotutako mozioa zela eta tratu bera jaso behar dutela herriko elkarte kultural guztiek. Koldo Zabala Bilduko bozeramaileak erantsi zuen arduraz jokatuko zutela eta diru ekarpenaren igoeraren aurka bozkatu zuen Udal Gobernu Taldeak.