Laudioko Udalak kiroldegiaren 2014ko erabilpen datuak aurkeztu eta positibotzat jo ditu, oso azpiegitura erabilia baita.
Ia 4000 bazkide ditu kiroldegiak, herritarren bostena gutxi gorabehera. Erabiltzaileen artean gizon eta emakume kopurua oso antzekoa da baina emakumeak nagusi dira gutxigatik. Goizez eta arratsaldez berdintsu erabiltzen da kiroldegia.
Bazkideek bakarrik ez, herriko hainbat eragilek ere erabiltzen dituzte kiroldegiko instalazioak: Igeriketa Laudio Klubak, Lanbide Heziketako Udal Ikastetxeak eta DBHko ikastetxeek bertan gauzatzen dituzte beren kirol jarduetariko batzuk.
Guztira, 8 kirol klubek eta 35 taldek erabiltzen dute kiroldegia. Hainbat kirol egiten dira bertan: igeriketa, saskibaloia, eskubaloia, hockeya, areto-futbola, kick boxinga eta defentsa pertsonala, besteak beste.
Udal arduradunek azaldu dutenez, yoga, igeriketa, aerobica, mantentze-gimnasia, tai chi eta hirugarren adinarentzako jarduerak biltzen dituen ikastaro eskaintzak eta kiroldegiko gimnasioak ere onarpen zabala dute herritarren artean.