Aiaraldean lan, bizi eta ikasi dinamikak urrats berri bat iragarri du

Erabiltzailearen aurpegia Lukas Pasandin 2015ko mar. 27a, 09:34

Pasaden martxoaren 6an “Aiaraldean lan, bizi eta ikasi” dinamikak eskualdeko gazteak batu zituen eta Tubacex enpresan kontzentrazioa gauzatu ondoren, Laudioko Areta auzoan kokatuta dagoen LIPmesa enpresa okupatu zuten.

Pasaden martxoaren 6an “Aiaraldean lan, bizi eta ikasi” dinamikak eskualdeko gazteak batu zituen eta Tubacex enpresan kontzentrazioa gauzatu ondoren, Laudioko Areta auzoan kokatuta dagoen LIPmesa enpresa okupatu zuten.

Dinamikaren helburuak argi utzi dituzte, “enpresa horretan gazteon lan eskubideak, bizi baldintzak eta ikasteko aukerak eztabaidatuko genituen alternatibak eraikitzeko pausoak manifestu batean biltzeko asmoarekin”.

LIPmesa okupatu eta ordu gutxira, Ertzaintzak gazteak kaleratu eta identifikatu zituen egitasmoaren helburuak bertan behera utziz.

Beraz, larunbatean, martxoaren 28an, Laudioko Gaztetxean ekingo diote egitarauaren jarraipenari.

Azaldu dutenez, eskualdeko zenbait enpresetako langileekin mahai ingurua egin ondoren, lan, bizi eta ikasi gaiak eztabaidatzera pasako dira; eztabaida horren helburua, “gazteon alternatibak eraikitzeko pausoak manifestu batean biltzea” izango da.

 

Gauari bukaera emateko kontzertuak antolatu dituzte hurrengo taldeen eskutik:

 

-Pre-okupales (PunkRock)

-Patx&Run (Erromeria)

-Aiaraldeko Sound (Reggae, Dub, DanceHall...)

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide