aiaraldea.eus

Ibaiaren garbiketari buruzko mozioa eztabaidatuko da udalbatzan EAJren eskutik

Erabiltzailearen aurpegia Erredakzioa  Laudio

EAJk ibaiaren bazterren garbiketari buruzko mozioa hilabete hasieran aurkeztu du, URA agentziak eta Laudioko Udalak bilera egin baino lehen.

EAJk ibaiaren bazterren garbiketari buruzko mozioa hilabete hasieran aurkeztu du, URA agentziak eta Laudioko Udalak bilera egin baino lehen. Bilera horretan hainbat kontu landu zituzten Eusko Jaurlaritzako agentziak eta udal ordezkariek.

Horien artean ibaiaren bazterrak elkarlanean garbitzeko akordioa lortu zuten. Hori dela eta udalak eskumenak izango ditu hondakin solidoak bazterretatik kentzeko. Eskualdeko zenbait lekutan horrelako hitzarmenak gauzatu dira dagoeneko eta martxoan Laudion ere adostasuna lortu dute URA eta Bilduko udal gobernu taldearen artean.

Laudioko EAJko ordezkariak pozik daude bi erakundeen arteko akordioa dela eta. Jeltzaleen mozioak, gainera, lan horiek egiteko herriko langabeak kontratatzea proposatzen du, Europako diru-laguntzak lortuz.

Ibai bazterren garbiketa

Laudioko Udal Osoko Bilkuretan askotan aipatutako gaia izan da ibaien bazterren garbiketa. Bazterretan pilatutako hondakinak herriari itxura txarra ematen diotela adierazi dtute hainbat alderdi politikok. Horren aurrean udal gobernu taldeak beti azaldu izan du URA agentziak bakarrik izan duela eskumena garbiketa horiek garbitzeko. Lortutako akordioari esker tokiko erakundeak ere hondakin solidoak kentzeko aukera izango du.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa