Laudioko Gure Esku Dago ekimenak "Erabakiak ehuntzen" kanpaina berria aurkeztuko du jendaurrean ostiralean. Arratsaldeko 19:00etan emango zaio hasiera ekitaldiari Laudioko Udal Lanbide Heziketa Eskolako ekitaldi-aretoan. Aurkezpen honetan kanpaina berriari buruzko informazioa luzatuko zaie bertaratukoei eta dinamika honetan parte-hartzera gonbidatuko dituzte Laudio eta Aiaraldeko herritarrak. Era berean, ekitaldian Laudioko talde eta pertsona esanguratsuek parte hartuko dute, bai eta Gure Esku Dago ekimenko hainbat ordezkarik.
Antolatzaileek gogora ekarri dute "Gure Esku Dago dinamika herritarra, anitza eta parte-hartzailea" dela, "erabakitzeko eskubidearen alde Euskal Herrian lan egiten duena". Pasa den urteko ekainean Durango eta Iruña lotu zituen giza-kate baten bitartez eta azaroan mosaiko erraldoia osatu zen Donostiako Zurriola Hondartzan. Urte berriarekin batera, martxan jarri dute kanpaina berria, “Erabakia Ehuntzen” lelopean.
[video:https://www.youtube.com/watch?v=NpkSSc0N8Rs width:600]