Pablo Gorostiaga euskal preso politikoa aske geratuko da martxoaren 22an -igandea- kartzelan 8 urte eman eta gero. 19/98 sumarioaren harira zigortu zuen Entzutegi Nazionalak Pablo Gorostiaga, Patxo eta Isidro Murga laudioarrak, besteak beste.
73 urterekin aterako da espetxetik eta Laudio zein Aretako hainbat herritar bere bila joango dira Herrerako kartzelara -600 kilometrotara-.
Horretarako autobusa antolatu dute bere senide eta lagunek. Izena emateko epea martxoaren 18an bukatuko da eta 40 euro balioko du. Aretako Kultur Etxera, Laudioko Bazter Tabernara edo Zuhaitza Liburu dendara jo dezakete interesdunek. 23:00etan aterako da autobusa martxoaren 21ean.
Antolatzaileek espero dute Pablo Gorostiaga martxoarean 22an 21:00ak aldera Laudion egotea berriro.
Espetxealdi polemikoa
18/98 sumarioaren izaera politikoak hautsak harrotu zituen baina Pablo Gorostiagaren espetxealdia ere gatazkatsua izan da. Judit Uriarte, bere bikotea, Pablo kartzelan zegoen bitartean hil zen eta espetxe agintariek ez zuten ahalbidetu Pablok Judit agurtzea.
Bestalde, 2013ko Laudioko Jaien pregoilari izendatu eta gero, epaile batek erabakia legez kanpo utzi zuen Carlos Urquijok salatu eta gero.
Bestalde, Laudion, Aiaraldean eta Eusko Legebiltzarreko zenbait batzordetan aldarrikatu egin dute 70 urterekin aske utzi behar zutela, legeak agintzen duen moduan. Neurri hori saihesteko, arrisku bereziko presotzat jo dute espetxe agintariek Pablo Gorostiaga.