Aiaraldean Lan Bizi eta Ikasi ekimenak 2013an itxitako Lipmesa enpresako eraikina okupatu du Aretan. 19:30ean 30 gazte inguru lantegian sartu dira. Ekintza horren bitartez Aiaraldeko egoera sozioekonomikoa salatu nahi dute, Lipmesako itxierarekin 140 langile kaleratu zituztela gogoratuz.
Okupazioa sinbolikoa da eta gaur gauean zein bihar arratsaldean eztabaidak gauzatuko dituzte dinamika berriak abiatzeko. Egitasmo horren helburua da gazteen etorkizunaren inguruan ideiak garatzea.
Ekintzaileen asmoa da bihar eguerdian eraikinetik ateratzea planteamendu berriarekin eta urtebete barru itzultzea. Hori dela eta Ametsen Fabrika deitu diote ekintzari.
Momentuz Ertzaintzaren bi patruila-auto hurbildu dira lantegira baina ez dira gazteekin harremanetan jarri. Aiaraldean Lan Bizi eta Ikasi ekimenak deialdia zabaldu du eskualdeko gazteek Aretara hurbildu daitezen eta ekintza babestu dezaten.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide