Martxoak 14, 15, 19, 20, 21 eta 22 herriko 30 bat tabernek Laudioko VIII. Pintxo Lehiaketan parte hartuko dute. Pintxo guztiek 1,30 euro balioko dute eta bi asteburu horietan dastatu eta bozkatu ahalko dira.
Taberna edo jatetxe bakoitzak pintxo libre bat prestatuko du eta bi epaimahai mota egongo dira: alde batetik, teknikoa zeina gastronomian adituez osatuta egongo baiten; eta bestetik, herritarra.
Parte-hartzaile herritarrak kupoi bat bete beharko du, bertan ostalaritza establezimendu ezberdinetako 5 zigilu erantsita eta ontzi batean sartuz. Gutxienez zigilutako batek hiri-inguruko taberna batekoa izan beharko du.
Bestalde, epaimahai teknikoak 10 pintxorik onenak iragarri ondoren, hautatuek Zubiko Etxera joan eta pintxoa eraman beharko dute irabazlea zein den aukeratzeko.
Gainera, pintxo barrarik onena eskaintzen duen ostalaritza establezimendu bat ere aukeratuko dute. Epaimahaia teknikoak pintxoen ugaritasuna, aurkezpena edota zerbitzarien arreta kontuan hartuko du, besteak beste.
Parte hartuko dituzten tabernak eta eskainiko dituzten pintxoen izenak jakiteko concursopintxoslaudio.com web gunea bisita daiteke.