Abay Etiopiak eta Laudio Atletismo Klubak antolatuta., 10 km-ko lasterketa bat eta familientzako 2 km-ko beste bat egingo dira goizeko 10:00etan Laudioko herrigunean. Helburua da laguntza ematea Etiopian nekazaritza-proiektu bat martxan jartzeko.
Datorren martxoaren 15ean Laudioko kaleek Etiopiaren aldeko lasterketa solidario bat hartuko dute, Abay Etiopia gobernuz kanpoko erakundearen ekimenez, eta Laudio Atletismo Klubaren laguntzaz. Lasterketa in real time izango da, izeneanbertan jasotzen denez, hau da, denbora errealean; horrek esan nahi du ordu berean estatuko beste hainbat lekutan eta Walmaren (Etiopia) ere probak jokatuko direla. Laudion bi proba izango dira, bat 10 km-koa, eta beste bat familientzako. Azken hau ez da konpetitiboa izango (oinez ere egitea dago) eta familia bakoitzetik nahi beste kidek hartu dezakete parte.
Lasterketaz gain, Abay Etiopia elkarteak beste ekitaldi batzuk egingo ditu herrian, Afrikako herrialde horretan egiten duen lana jakinarazi eta zabaltze aldera. Aurtengo asmoa da Walmara aldean nekazaritza iraunkorreko proiektu bat abian jartzea.
Lasterketan izena emateko epea zzabalik da dagoeneko eta prezioa 10 eurokoa da bai 10 km-ko probarako bai familianetzako lasterketerako.