EAJk prentsa oharraren bitartez erantzun dio LAB sindikatuak egindako kritikari. Laudioko talde jeltzaleak adierazi du harrituta dagoela sindikatuak aste honetan egindako salaketarekin, besteak beste, aipatutako auzia iazko urte bukaeran eztabaidatu zelako.
Bestalde, EAJk aipatu du oposizioan dauden beste taldeekin batera Bilduko udal gobernu taldeari eskatu diotela klausula sozialak txertatzea kontratazio publikoaren esparruan.
Horretaz gain jeltzaleek aldarrikatu dute langileen subrogazio klausulak bultzatu dituztela eta era berean iradoki dutela gai horiek Tokiko Enplegu Mahaian jorratu behar direla.
EAJk LAB sindikatuari zein gainerako eragile sozial eta sindikalei gonbidapena luzatu die Tokiko Enplegu Mahaian parte har dezaten Laudioko talde politikoekin batera krisialdiari aurre egiteko.
Bestalde, LAB sindikatuaren mozioaren harira EAJk aurkeztutako testu alternatiboa helarazi dio hedabideei eta erantsitako fitxategian irakur daiteke.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
