Saharar Estatuaren aldarrikapenaren 39. urteurrena ospatzeko aste kulturala antolatu du Etawasol elkarteak otsailaren 23tik 28ra.
1976ko otsailaren 27an aldarrikatu zuten Saharako Errepublika, urte luzez Espainiar kolonialismoaren menpean egon ostean. Horrek Maroko eta Mauritaniaren kontrako guda piztu zuen eta oraindik diraute Marokok herri Sahararraren aurka burututako sarraskiak.
Urteurrena ospatzeko egitarau oparoa prestatu dute: aste osoan zehar Saharako kultura eta industria tradizionalaren inguruko erakusketa egongo da ikusgai Laudioko kultur etxean; hitzaldiak ere eskainiko dituzte Saharako okupazio zein Euskal Herriarekin duen harremanaren inguruan; bukatzeko, otsailaren 28an jai eguna ospatuko dute Laudioko Aldai plazan.
Egitaraua
Otsailaren 23an ekingo diote Aste kulturalari, 19:30tan burutuko den “La causa saharaui, el derecho de autodeterminación y el Plan de Paz en Sahara Occidental” . Hitzaldia Lih Bairuk-en eskutik dator, bera Saharako Errepublika Arabiar Demokratikoaren ordezkaria da Euskadin.
Otsailaren 24an hiru hitzaldi antolatu dituzte 18:00etatik aurrera. Lehenengoa Hassana Aliak, giza eskubideen ekintzaileak, hemango du: “La realidad de los derechos humanos en los territorios ocupados y el papel de la intifada pacífica saharaui”. 18:45etan Fatma Algalia Mohamed Salem, poeta saharauiak Saharako kulturaren inguruan mintzatuko da “La cultura saharaui: fuente de la identidad del pueblo saharaui y la sostenibilidad de una entidad independiente” izeneko hitzaldian. Eguneko azken hitzaldia 19:30tan izango da eta honetan Marokok Saharan altxatutako harresiaz mintzatuko dira Harresiaren kontrako Nazioarteko Konferentziako kideak.
Otsailaren 27an "Raices y Clamor" film laburra proiektatuko dute 19:00etan eta ostean Euskal Herria eta Sahararren arteko harremanak izango dira hizpide María Lopezek, saharaui herriaren aldeko mugimendu solidarioaren presidenteak, burutuko duen hitzaldian
Aste kulturalari amaiera emanez, otasilaren 28an Saharar Estatuko adierazpenaren 39. urteurrena ospatuko dute Aldai plazan. Festa giroan igaroko dute eguna. 11:00etatik aurrera Saharako musikariak, henna tailerrak, tea, kuskusa, bertako artisauen produktuak eta beste hainbat ekintza burutuko dira.