Urte luzez borrokatu dute Arrañoko auzokideek Abertis enpresak auzoan duen telefonia antena kentzeko. Gaur beteko da azkenean haien aldarrikapena. Gehiegizko altuera zuela eta etxebizitzetatik gertuegi zegoela adierazten zuten, horrek arrisku handia ekartzen zuela salatuz.
Antena kentzeko prozesua 2013an hasi zen, Laudioko Udalak eta Abertis enpresak hitzarmena sinatu zutenean. Hitzarmen horretan Abertisek antena lekuz aldatzeko konpromesua hartzen zuen, antena berria etxebizizitzetatik urrun eta 12,5 metro baino gutxiagoko altuera izan behar zuen. Enpresak Udalari leku publikoa erabiltzeagatik ordaindu beharreko kopurua ere zehazten zen, ordurarte enpresak ez baitzuen ezer ordaintzen.
Hilabeteak dira antena berria bere kokaleleku berrian martxan dagoela, Arrañon dago ere bai baina bestea baino leku altuagoan. Antena zaharrak zituen zerbitzu guztiak berrira pasatzea falta zen. Joan zen astean pasa zen antena berrira azken zerbitzua, Telefonicakoa hain zuzen, eta gaur kenduko da beraz Arrañoko antena zaharra.