Laudioko Udalak, prentsa ohar batetan adierazi duenez, 2014ko bukaeran udalerrian dauden Frontoi estalien egoera aztertu zen. Kiroldegi hauek zeukaten egoera ikusita, mantentze eta konponketa lanak abiarazteko erabakia hartu zen.
Obra hauetako lehena, Gardeako Frontoian egin beharrekoa, jadanik bukatuta dago. Pilotaleku honetan, teilatuak zeuzkan arazoak konpondu egin dira. Gardeako instalazioan bezala, Latiorrokoan teilatua zeharkatzen zuten ur tanten arazo bera aurkitu egin da, eta egin beharreko obrak egokitu jadanik egokitu egin dira. Guztira, obra hauen aurrekontua 1700 eurokoa izango da.
Aretako frontoian berriz, kanpoaldean eta teilatuan mantentze eta berriztatze lanen beharra ikusi da. Honenbestez, lan garrantzitsua egingo da, hormak, pilareak eta zutoinak konponduz. Guztira, 34456 euroko inbertsioa egitea aurreikusten da. Lan hauek Obra txikien Foru Planean aurkeztu egingo dira. Aretako pilotalekuak 40 urte inguru dauzka, eta bertan Laudioko pilota ekitaldi nagusiak ospatu egiten dira.
Pilota txapelketak
Bestalde, Herriaren Pilota Elkarteak hedabide honi adierazi dionez, abenduaren 12an Euskal Federazioaren Lau T’erdiko txapelketak ospatu ziren, Irribarria garaile suertatuz. Txapeldunak Dorronsoro menpean hartu zuen 22-21 emaitza estuarekin.
Momentu honetan Herriaren Txapelketaren XIX. Edizioa ospatzen ari da, Senior eta 19 urte azpikoen mailetan. Txapelketa hauen finalak urtarrilaren 30ean, ostirala, ospatu egingo dira, EITBko kameren jarraipena izango dutelarik.
Honez gain, Herriaren Elkarteak adierazi duenez, Pilota Eskolan egindako lanak bere fruituak ematen ari da, izan ere, Lizarrako txapelketara aurkeztu diren hiru pilotarietatik, bik finaletan izango dira; Arkaitz Eskuza, alevin mailan, eta Iker Yuste, infantiletan konkretuki.