Santander bankuaren sukurtsala atrakatu dute

Erredakzioa 2015eko urtarrilaren 8a

Ez da zauriturik egon eta ez dago zehaztuta zenbat diru eraman duen atrakatzaileak. Ertzaintzak operazio bat jarri du martxan atrakoaren egilea topatzeko asmoarekin.

Gizon batek Santander Bankuaren Laudioko sukurtsala (Herriko Plazaren alboan dagoena) atrakatu du gaur goizean. 9:30ak aldera sartu da bankuan. Iturri batzuek EL CORREO egunkariari adierazitakoaren arabera, aurpegia estalia zeraman eta langileak pistola batekin mehatxatuta lortu du dirua eramatea. Ertzaintzak ez du iturri horiek diotena hala izan dela baieztatu. Oraindik ez dago zehaztuta atrakatzaileak zenbat diru eramatea lortu duen.

Ertzaintzak adierazi du ez dela zauriturik egon eta operazio bat martxan jarri dutela atrakatzailea aurkitzeko. Behin lapurreta gertatuta, bankuak ateak itxi ditu.

Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide