Asteazkenean itxiko dute Latiorrorako pasabidea, hiru-lau hilabetetan berritzeko

Erredakzioa 2015eko urtarrilaren 5a

3-4 hilabetez egongo da Latiorroko pasabidea itxita, berritze obrak egin ahal izateko

Aurrera doaz Laudioko tren geltokiaren inguruko obrak. Obra horien baitan sartzen da Latiorro auzoa herriaren erdigunearekin lotzen duen lurpeko pasabidearen berritzea. Hori dela eta, datorren urtarrilaren 7an (asteazkena) pasabidea itxi egingo dute, tunelaren berritze lan horiei ekiteko. Udaletik jakinarazi dutenaren arabera, 3-4 hilabetez egongo da pasabidea itxita, bertan egitea planteatuak dauden obrak bukatu arte. Apirilean dago obrak bukatzea aurreikusia, Koldo Zabala zinegotziak adierazitakoaren arabera.

Hortaz gain, ohikoan erabiltzen ez diren trenbide batzuk erabiliko dira geltokian (Latiorrotik gertuen daudenak), zazpi metroko zabalera duen kaxoi batek trenbidea moztuko baitu, obrak direla eta.

Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide