Aiarako koadrilak iragan irailean hondakin organikoen birziklapen eta konpostajea sustatzeko kanpaina jarri zuen habian. Horretarako edukiontzi bereziak jarri izan ziren eskualdeko herrietan eta hondakin organikoa birziklatzeko kit-ak banatu ziren herrietarren artean.
Aiaraldeko Aiara, Amurrio, Okondo eta Laudio herriek jarri dituzte hondakin organikoak birziklatzeko edukiontzi euren kaleetan. Hondakin organikoaren bilketaren datuak onak dira, proiektuaren lehen hilean 4 tona eta erdi hondakin jaso direlarik.
Laudion 248 familiek eskuratu zuten organikoa birziklatzeko kit-a eta 12 edukiontzi jarri dira herrian zehar. Proiektuaren arrakasta ikusita, Laudioko udalak birziklatzeko kit-en bigarren banaketari ekingo dio, horretarako informazio puntuak jarriko ditu urtarriletik aurrera.
Informazio eta banaketa puntuak hurrengoak dira: urtarrilak 8, Solozelai plazan 11:00etatik-13:00etara eta Alberto Acero plazan 18:30tatik-20:30etara; urtarrilak 9 Lamuza plaza 11:00etatik-13:00etara eta Untzueta plazan 18:30tatik-20:30etara; urtarrilak 15, Goikogane kalean 16:30tatik-18:30etara.