Laudioko Udalak modu positiboan baloratu ditu auzo batzarrak. Atzo egin dute azkenengoa, erdialdekoa, eta kuantitatibo zein kualitatiboki balorazio baikorra plazaratu du Koldo Zabala Bilduko bozeramaileak.
Zentzu horretan, Zabalak azaldu du alde kualitatibotik dinamikak piztu direla zenbait auzoetan modu kolektiboan arazoak aztertzeko eta iradokizunak helarazteko.
Hori dela eta, elkartegintza eta herrigintza sustatzeko, Udala pentsatzen ari da aldaketa proposatzea Auzo Batzarren inguruan. Horrela, auzokideen ideiak jaso ez ezik, erakundeak gai zehatza proposatuko die auzokideei aurretik landu dezaten.
Ekarpen interesgarriak
Koldo Zabalak laudioarrek egindako hainbat ekarpen oso baliotsuak direla azpimarratu du eta bereziki bat aipatu du. Udalak aintzat hartuko baitu auzokideek egindako eskaera eta Jose Matias kalean dauden farolen kokapena aldatuko ditu, irisgarritasuna bermatzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
