Kike Fernandez de Pinedo -EH Bilduren Arabako Foru Aldundirako hautagaia- Laudion prentsaurrekoa eskaini du goizean. Agerpenaren helburua izan da azaltzea EH Bildu lanean dagoela Arabako Foru Aldundiaren 2015eko aurrekontuetan 3 milioi euro bideratu ditzan erakundeak Lamuza Parkean konponketak egiteko.
Hori egiteko aukera da Foru Arauaren bitartez, baldin eta alderdiak ados jarriko balira. Ordezkariak azaldu du denbora gutxi dagoela legealdia bukatu arte baina talde politikoek bere proposamenak lantzen daudela.
Bestalde, Kike Fernandez de Pinedok ziurtatu du konpromisoa ere hartzen duela Laudioko erakunde eta herritarrekin adostu daitezen Lamuza Parkeak izango dituen erabilerak.
Utzikeria
EH Bilduko hautagaiek -Fernandez de Pinedok ez ezik Laudioko alkatea, zenbait zinegotzi zein biltzarkide batek parte hartu dute prentsaurrekoan- erantsi dute Lamuza Parkearekiko utzikeria Javier de Andrésen aldetik bistakoa dela eta SOS Laudioko Lamuza Parkea plataformaren lana goraipatu dute.
Zentzu horretan, Fernandez de Pinedok azaldu du Araba Berria eraiki nahi duela EH Bilduk eta herrialdeko ikuspegia jorratu nahi dutela; "zenbait herri bere kolore politikoa dela medio zigortu gabe".