Soldadurarik gabeko hodiak ekoizten dituen Tubacex multinazionalak Laudion duen lantegiak 25,2 milioi euroko irabaziak izan ditu 2014. urtea hasi zenetik, enpresak berak jakinarazi duenez. Datua are deigarriagoa da iaz baino %96 handiagoa dela kontuan hartzen badugu, bikoitza ia.
Bestelako aldagarriak kontuan hartzen baldin baditugu enpresaren egoera nabariki ona dela konturatuko gara, azkeneko hiruhilabetean lantegiak diarduen sektoreak beherakada bat jasan duen arren. Azken urte honetan 400 milioi euroko salmentak izan dira, esate baterako. Gainera, Tubacexen zorrak 45 milioi euroko beherakada bat izan du debora tarte berean.
Tubacexen kontseilari delegatuak, Jesús Esmorísek, jakinarazi duenez enpresaren kudeaketa planarenganako erabateko konfiantza dauka, nazioarteko egoera ekonomikoa oso positiboa ez bada ere eta petroleoaren azken prezio beherakadak negatiboki eragin diezaieken arren.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
