ELA, LAB, CCOO eta UGT sindikatuek elkarretaratzea eta sinadura bilketa deitu dute gaurko Laudioko Carrefour Express aurrean. Guztiek salatu dute supermerkatuak igandetan irekitzen duela. Protesta 12:00etan hasiko da eta AEKO Aiaraldeko komertzioen elkarteek -APILL, APYMCA eta AEME- ekimenarekin bat egin dute, jai egunetan irekitzearen kontra alegia.
Mobilizazioa deitu dutenek azaldu dute komertzio, sindikatu eta eragile sozialen artean EAEn igande eta jai egunetan ez irekitzeko adostasuna dagoela. Supermerkatuak hartutako erabakiak langileen bizi pertsonaleko kontziliazio eskubidea ez du errespetatzen, sindikatuen aburuz: “Are gehiago sektore honetan prekarizazioa izaugarria delako, sektore honetako langile gehienak emakumeak direla ahaztu gabe.·
Mobilizazioaren antolatzaileek gehitu dute erosleen elkarteek, sindikatu zein enpresa erakundeek aitortzen dutela ez dagoela behar ez ohiturarik igandetan irekitzeko eta ondorioz haien ustez “aitzakia bakarra erosleen artean behar hori eragitearena da eta bide batez langileen erabilgarritasun osoa izatea. Herriko beste komertzioekiko jarrera desleiala dela ere uste dugu.”