Laudioko VI. Ziklokross Txapelketa egingo da Laudion azaroaren 1ean. Urtero bezala SC Llodiana elkarteak antolatuko du, eta Laudioko udako igerilekuan eta Ellakuri futbol zelai alboko gunean egingo da. Hainbat mailatako probak egingo dira, honako ordutegiekin: 09:00etan masterrak (40, 50 eta 60 urte bitartekoak) , 10:00etan master 30, 11:00etan gizon eta emakume katedeteak, 12:10ean gizonezkoen juniorra, elitea eta emakumezkoen juniorra. Azkenik, 13:15etan eliteak, 23 azpikoak eta gizonezkoen seniorrak lehiatuko dira.
Ibilbide gogorra da Laudiokoa. Laburra den arren gorabehera asko aurkitu ditzakete parte hartzaileek, maila handia eskatzen duen lasterketa da. Aiaraldeko txirrindularien artean bi izen dira aipatzekoak: Julen Latorre amurrioar jubenila sasoian dator pasaden asteburuan MTBko Diario de Navarrako openean irabazi eta gero. Gotzon Martin orozkoarra gizonezkoetan junior mailan arituko da Ponferradako errepideko mundialetik etorri berri.
Ezin ahaztu pasaden urtean Aitor Hernandez-ek lasterketa hau irabazi egin zuela Egoitz Murgoitioaren aurretik. Iazko txirrindulari esanguratsuenen artean Jokin Alberdi, Aitor Hernandez, Aketz Peña, Javi Ruiz de Larrinaga, Rocio Gamonal, Aida Nuño… . Falta izango diren bi garrantzitsu Aitor Murgoitio eta Jonhatan Lastra dira. Lehena erretiratua dago. Bigarrena, berriz, Caja Ruralen amateur taldean dabil.