Eusko Jaurlaritzako Industria Saileko ordezkariekin elkartuko da asteartean Gometegui enpresako langile batzordea. Erakundeak erakutsitako interesaren ondorioz izango dute hitzordua Gasteizen.
Nahiz eta pasa den astean Gometeguik jakinarazi zuen aurkeztutako lekualdatze espedientea bertan behera utziko zuela -horren harira 30 langile Poloniara joan eta ekoizpena hainbat lantegitan banatu behar zuten-, enpresaren etorkizuna ez dago batere argi langileen ustez.
Berez, asteazkenean bilera egin dute zuzendaritza eta langileen ordezkariek. Sindikatuek espero zuten erabaki drastikoa aurkeztuko zutela jabeek, baina momentuz bi aste gehiago hartuko dituzte haien proposamena zehazteko eta elementu guztiak aztertzeko.
Bien bitartean erabat baztertu dituzte langile batzordeak egindako iradokizunak; jabeek adierazi baitute bideraezinak direla. Hala ere, oraingoz langileek abian jarritako mobilizazioak eten egingo dituzte egoera argitu arte.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
